Во согласност со објавениот Конкурс за запишување ученици во јавните средни училишта во

учебната 2020/2021 година во Република Северна Македонија

СОУ  ГИМНАЗИЈА  „ДОБРИ  ДАСКАЛОВ“ КАВАДАРЦИ

РАСПИШУВА

О  Г  Л  А  С

Ве известуваме дека СОУ Гимназија „Добри Даскалов“ Кавадарци на својата веб страна www.dobridaskalov.edu.mk го објави Огласот за запишување ученици во прва година во јавните средни училишта согласно Конкурсот од страна на Министерството за образование и наука за учебната 2020/2021 година.

Се надеваме дека пријавувањето и запишувањето на учениците во прва година во јавните средни училишта за учебната 2020/2021 година ќе се одвива во нормални услови како и претходните години.

1. Во прва година ќе се запишат  238  ученици во  7  паралелки според  наставните планови  и  програми за:

   I.1. ГИМНАЗИСКО  ОБРАЗОВАНИЕ ……………………….. 170  ученици  во  5  паралелки,  60 минимум поени

                –  Природно-математичко подрачје (комбинација А и комбинација Б)

–  Општествено-хуманистичко подрачје  (комбинација А и комбинација Б)

–  Јазично-уметничко подрачје (комбинација А и комбинација Б)

   I.2. ЕКОНОМИЈА, ПРАВО И ТРГОВИЈА ……………………… 68  ученици  во  2  паралелки,  60 минимум поени

                а) ЕКОНОМСКИ  ТЕХНИЧАР …………………………… 34  ученици  во  1  паралелка

б) ПРАВЕН  ТЕХНИЧАР …………………………………… 34  ученици  во  1  паралелка

1. УСЛОВИ ЗА ЗАПИШУВАЊЕ  НА  УЧЕНИЦИ:

–  Да  имаат  завршено  основно  образование;

–  Да не  се  постари  од  17  години;

–  Да  се  определиле  за  план  и  програма  за  Гимназиско  или  Стручно  образование;

–  Да ги исполнуваат критериумите утврдени со Огласот.

III. ПОТРЕБНИ  ДОКУМЕНТИ  ЗА  ЗАПИШУВАЊЕ:

–  Пријава  за запишување (пријавата за запишување ученикот ја подигнува од училиштето во кое сака да се запише и истата е бесплатна);

–  Оригинални  Свидетелства од  VI до  IX одделение;

–  Дипломи (доколку ученикот има) од освоени (I, II и III ) места од меѓународни и државни натпревари (од мајчин јазик, странски јазик, природни науки, математика, хемија, физика, биологија и географија и наставни предмети што се од значење за струката односно изборното подрачје);

–  Извод  од  матична  книга  на  родените  (без оглед на датумот на издавањето).

1. I КОНКУРСНИ РОКОВИ:

Пријавувањето  и  запишувањето на учениците се  врши во еден уписен рок со три пријавувања во месец  јуни.

Првото пријавување и запишување на учениците се врши на 16 и 17 јуни 2020 година од 08:00-15:00 часот, а резултатите од запишувањето и слободните места ќе се објават на 18 јуни 2020 година.

Второто пријавување и запишување на учениците ќе се врши на 24 и 25  јуни 2020 година од 08:00-15:00 часот, а резултатите од запишувањето и слободните места ќе се објават на  26  јуни 2020 година.

Третото пријавување и запишување на учениците ќе се врши на 29 јуни 2020 година од 08:00-15:00 часот, а резултатите од запишувањето и слободните места ќе се објават на 30 јуни 2020 година.

Учениците кои се упатени на поправни испити, испит на годината, испити за побрзо напредување, може да се запишат во училиштата во кои има слободни места после јунскиот рок, на 24 август 2020 година за што доставуваат доказна документација.

По објавување на ранг листите со резултатите од запишувањето, учениците кои не се запишани во училиштето, задолжително ја подигнуваат целокупната доставена документација поднесена во училиштето во рок од 48 часа.

1. КРИТЕРИУМИ ЗА ИЗБОР  НА УЧЕНИЦИТЕ:

–  Средниот успех на ученикот од VI до IX одделение (за средниот успех може да добие најмногу 50 поени).

–  Среден успех на ученикот постигнат по четирите предмети (мајчин јазик, странски јазик и двата предмети што се значајни за струката односно изборното подрачје – математика, физика, биологија и историја. Види Информатор). Ученикот  може да  добие најмногу  20  поени, по  5  поени  за  секој  предмет;

– Дипломи од освоени (I, II и III) места од меѓународни и републички натпревари од мајчин јазик, странски јазик и наставни предмети што се од значење за струката односно изборното подрачје. За освоено  место од меѓународни натпревари 5 поени, за освоено место од републички: 3 поени за I место, 2 поени за II место и 1 поен за III место. На ученикот му се вреднува само една диплома која носи најмногу поени;

–  Средна вредност од поени добиени за поведение (може да добие најмногу 5 поени). Примерно поведение се вреднува со 5 поени, Добро поведение се вреднува со 3 поени и Незадоволително поведение со 0 поени.

Средната вредност е збир од поените за поведението од шесто, седмо, осмо и деветто одделение поделен со  бројот 4.

Ученикот  по  сите  критериуми  утврдени  со  Конкурсот/Огласот  може  да  добие  најмногу  80  поени.

Доколку  има  ученици  со  ист  број  поени,  квалификационото  тестирање од  предмети  значајни  за струката ќе се организира на  22 јуни 2020 година, а резултатите ќе бидат објавени на 22  јуни  2020 година.

ДОПОЛНИТЕЛНИ ИНФОРМАЦИИ ЗА ЗАИНТЕРЕСИРАНИТЕ ЌЕ ИМА НА ВЕБ СТРАНАТА И ОГЛАСНАТА ТАБЛА ВО УЧИЛИШТЕТО.

Април, 2020 година                                                                                 СОУ  ГИМНАЗИЈА  „ДОБРИ  ДАСКАЛОВ“  КАВАДАРЦИ

Со креирање и решавање на загатки преку Собата за бегство (Escape room) нашите ученици од предметна настава заедно со наставникот по Информатика ја одбележаа Неделата на информатиката.

Со примена на критички пристап во активностите беа мисловно ангажирани и насочени кон повисоки нивоа на планирање, постапување и решавање.

„Унапредување на воспитно образовната работа во училиштето со посебен акцент на воспитната функција„
е темата на која наставниците и стручните соработници во училиштето денес проследија обука и со тоа направија исчекор во својот професионален развој.
Предавачот Проф.Др.Розалина Попова Коскарова реализираше исцрпно излагање со посебен осврт на воспитната функција во образовните институции и со примери од образовната пракса ги поткрепи сите компоненти на воспитното делување во и вон институционалното образование.
Професионалниот развој на наставниците продолжува и понатаму со нови теми и предизвици кои практично ќе бидат применливи и ќе остават траен белег на работата на училиштето…

Инфо-центарот “Пријателство пред насилство” во соработка со петте основни училишта од град Кавадарци ги додели признанијата за амбасадори за пријателство.
По оддржаните 10 едукативни работилници за учениците од шесто до деветто одделение од основните училишта, проектниот тим на проектот “Пријателство пред насилство” и стручната служба на училиштата избраа 30 амбасадори за пријатрлство, односно по 6 од секое училиште.
Амбасадорите ќе бидат движечката сила на проектот и застапници на Инфо-Центарот во своите училишта. Тие имаат обврска да го намалат врсничкото насилство (Булинг) во своите училишта, со методи и механизми научени на едукативните работилници.
Проектот „Пријателство пред насилство“ го спроведува Здружението за едукација, тренинг и развој Прогресс Плус Кавадарци, во рамките на Регионалната програма за локална демократија во Западен Балкан – ReLOaD, која е финансирана од Европската унија (ЕУ), а ја спроведува Програмата за развој на Обединетите нации (УНДП).

ООУ„Гоце Делчев“ Кавадарци води континуирана грижа и делува на полето за изведување на воспитно образовниот процес во подобри услови за работа.

За таа цел реализиравме капитални инвестиции финансирани од Општина Кавадарци.
-реконструкција на тоалетите за учениците.
-замена на постоечкото со лед осветлување.
-промена на вратите во училиштето (ПВЦ и алуминиум).
-извршена е промена на чешмите и мијалниците во целото училиште.
-набавени се клупи и столчиња.
-обновена е и опремена училишната лабораторија. -набавени се нагледни средства за реализација на наставата по групата предмети на природни науки.
Сопствените приходи од 2019 година училиштето ги намени за промена на вратите во спортската сала со што се зголемија можностите за попријатна работа и престој на учениците и наставниците.

На крајот од оваа учебна година ученикот Мајкл Георгиевски се закити со уште еден медал. На математичкиот натпревар ВТОР КРУГ КЕНГУР 2019 освои ЗЛАТЕН МЕДАЛ.
Честитки Мајкл!!!! ти посакуваме уште многу вакви успеси…

На оддржаниот регионален натпревар по Физика на ден 09.03.2019 г. ученикот Бошко Бошков од IX б одделение го освои првото, Мајкл Георгиевски од IX а го освои третото место, а Томе Ѓондев доби пофалница за успешно учество.
Честитки за овие тројца ученици кои со своите знаења ќе се претстават себе си и училиштето на 43-тиот државен натпревар по физика.
Честитки и почит кон вложениот труд и кон наставникот ментор Милка Василова!

Дека еколошката интеграција во училиштето јакне сведочи и денешната еколошка едукација под мотото „Отпадот се селектира, па се рециклира„ .
Во соработка со #Пако#Мак и еколошкото друштво #Еко#живот#Кавадарци се анализираа, констатираа и резимираа заклучоци за справување со отпадот, кои од наставниците и вработените во училиштето се движат кон понатамошните корисници – нашите учениците.